السبت، 17 يوليو 2010

Husham: wardi الطير المهاجر

لطير المهاجر
صلاح أحمد ابراهيم

غريب وحيد في غربتو
حيران يكفكف دمعتو
حزنان يغالب لوعتو
ويتمنى بس لي أوبتو
طال بيه الحنين
فاض بيه الشجن
واقف يردد .. من زمن

بالله ياالطير المهاجر للوطن
زمن الخريف
تطير باسراع.......ما تضيع زمن
أوعك تقيف
وتواصل الليلة للصباح
.تحت المطر...وسط الرياح
وكان تعب منك جناح في السرعة زيد
في بلادنا بترتاح
ضل الدليب أريح سكن

فوت بلاد وسيب بلاد..وإن جيت بلاد
وتلقى فيها النيل..بيلمع في الظلام
زي سيف مجوهر
بالنجوم من غير نظام
تنزل هناك وتحيي
ياطير باحترام
وتقول سلام
وتعيد سلام


على ..
نيل بلادنا
وشباب بلادنا
ونخيل بلادنا
بالله يا طير
قبل ما تشرب
تمر على بيت صغير
من بابه ومن شباكه
بلمع الف نور
وتلقى الحبيبة بتشتغل
منديل حرير
لحبيب بعيد
تقيف لديها
وتبوس إيديها
وانقل إليها وفاي ليها
وحبي الأكيد

هناك 3 تعليقات:

  1. أغنية جميلة جداً جداً جداً لا يحس بكلماتها إلا المتغربون عن الأوطان فهي تمس وجدانهم وتداعب أحاسيسهم بالحنين إلى الوطن.. ربنا يعطيك العافية يا أيها العملاق محمد وردي..ويعطيك العافية أيها الشاعر الجميل الرقيق المرهف صلاح أحمد إبراهيم..

    ردحذف