همس الشوق
يا ريتنى لو أقدر أقول
فيكِ الكلام الما انْكتب
واجلى المقاطع بالدهب
وافرد صباح حُسنِك وشاح
يمسح عذاب عمرى المسطرّ باللهب
بريدك
كلمه كان رفّت
يِهش ثغر النجوم ويسطعَ
ولما ينادى همس الشوق
يقيف كل الزمن ويسمع
عيونك ديل عيون أهلى
حُنان زى نغمة فى مقطع
وطُهرِك تاج جواهرهُ العزه
وانتى العزه ليك تركع
بحبِك يا صباح العيد
ويا فَرَح العريس السار
واحِسّك فى سما الأزمان
شمس بِتضَوى للمشوار
زمان يا حلوه ساقنى الليل
وغِبْتَ وضعتَ فى الأسفار
ولّما لقيت عيونك ديل
بديت اعشق عيون الدار
وَحَاة ريدى اللى شاف طيفِك
كتير قُباّل يلاقى ويشوف
جراح الماضى بيك نامت
وغابت كلُ رعشة خوف
بحبك ومافى غيرك نور
يهِل ويغمرُ طريق الشوف
وما فى بَلَاك نور بِسْطَع
ولا فرحاً يسوقنى يطوف
دوما الروعة الممتدة هى مثياق يقره الاستاذ"محمد الامين".فقط لانه ناثر البهجة بالدواخل
ردحذفنااااااااااااااااااااااااااااااااااااااااااااااااايس يا راقين
ردحذفمبدع باشكاتب
ردحذفابوالامين يا قامة استاذ في الفن
ردحذف